Umuherwe Elon Musk arifuza gufasha NASA gukora imyenda izambarwa n’abantu bazajya ku kwezi mu mwaka w’2024

Ikigo cy’Abanyamerika gishinzwe ubushakashatsi bwo mu kirere n’isanzure cyitwa NASA (National Aeronautics and Space Administration) cyateguye urugendo rwo kuzatembereza abantu babyifuza ku kwezi, uru rugendo rukaba rwari ruteganyijwe mu mwaka w’2024.

Amakuru mashya yatangajwe n’umugenzuzi mukuru w’iki kigo avuga ko gukora imyenda abantu bazambara bajyiye ku kwezi bizafata umwanya munini, ku buryo bizatuma bakererwa kuyikora kugeza mu kwezi kwa Mata 2025.

Mu nyandiko yasohotse kuwa kabiri ivuga ko ubukererwe bwo gukora iyi myenda buzabaho bitewe no kugabanuka kw’ingengo y’imari yahungabanyijwe n’icyorezo cya koronavirusi ndetse n’izindi mbogamizi ikipe ya tekinike yahuye nazo zitandukanye.

Amakuru akubiye mu nyandiko NASA yashyize hanze avuga ko iki kigo gisanzwe gifite izindi gahunda z’ubutumwa bw’ibyogajuru cyohereje n’ibindi bikorwa byinshi bitandukanye by’ubushakashatsi gikora, ibi bikaba bica amarenga ko gahunda yo kohereza abantu ku kwezi mu mwaka w’2024 itazashoboka.


NASA yatangaje ko kohereza abantu ku kwezi byari biteganyijwe mu mwaka w’2024 bitazashoboka.

Umuherwe Elon Musk uyu akaba atunze kompanyi ye bwite yitwa SpaceX ikora ubushakashatsi n’ingendo mu isanzure yasubije ubutumwa bwa twitter bwari bwanditswe n’umunyamakuru wa CNBC witwa Michael Shettz avuga ku bukererwe bwo gukora imyenda y’abantu bazajya ku kwezi, ikigihe Elon Musk yamusubije agira ati ‘’ SpaceX ishobora kubikora igihe byaba bikenewe."


Elon Musk arifuza gufasha NASA gutunganya imyenda abantu bazambara bagiye ku kwezi.

Amakuru dukesha urubuga rwa Business Insider avuga ko nibura kugirango umwenda umwe abantu Bambara bagiye mu isanzure ukorwe, bitwara ingano y’amadolari y’Amerika ari hagati ya miliyoni 15 na miliyoni 22 z’amadolari y’Amerika ( 15,082,650,000 - 22,121,220,000 RWF).


Umwenda umwe abantu Bambara bagiye mu isanzure urahenda cyane.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO