Umuherwe w’Umurusiya Roman Abramovich agiye kugurisha imitungo ye yose irimo amazu yo mu Bwongereza n’ikipe ya Chelsea bitewe n’ubwoba bwo gufatira imitungo ye

Umuherwe Abramovich yatangaje ko agiye kugurisha imitungo ye yose iba mu Bwongereza harimo amazu atandukanye ndetse ko ari no gushaka umuguzi wihuse w’ikipe ye ya Chelsea.

Umuherwe Roman Arkadyevich Abramovich, Ni umushoramari w’Umurusiya ufite inkomoko muri Isiraheli akaba n’umwe mu banyamafaranga bakomeye ku isi aho yari yaraguze ikipe ya Chelsea.

Uyu muherwe yafashe umwanzuro wo kugurisha imitungo ye yose iba mu Bwongereza harimo amazu ye ari mu mujyi wa London ibi bikiyongera ku ikipe ye ya Chelsea ari gushakira umuntu ugomba kuyigura mu buryo bwihuse.

Impamu nyamukuru ngo ni uko atewe ubwoba no kuba imitungo ye yafatirwa bitewe n’amakimbirane yatejwe n’intambara igihugu cye cy’inkomoko (Uburusiya) cyatangije kuri Ukraine.

Kuva iyi ntambara yatangira, Ubwongereza bumaze gufatira imitungo y’abaturage b’Abarusiya basaga 100 bitewe n’ibitero Uburusiya bwagabye kuri Ukraine.

Uyu muherwe Abramovich abarirwa umutungo usaga miliyari 13.5 z’amadolari ya Amerika nk’uko tubikesha urutonde rw’abaherwe bakomeye rwakozwe na Bloomberg.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO