Umuhindekazi Harnaaz Sandhu yegukanye ikamba rya Miss Universe

Ku mugoroba wo kuri iki cyumweru tariki ya 12 Ukuboza 2021 nibwo Umuhindekazi Harnaaz Sandhu yegukanye ikamba rya Miss Universe 2021, mu irushanwa ryaberaga mu Majyepfo y’igihugu cya Isiraheli.

Ni ibirori byabereye mu Mujyi wa Eilat muri hotel yitwa Israeli Red Sea resortbyari byitabiriwe n’abakobwa 80 bahagarariye ibihugu bitandukanye baryitabiriye barushanijwe, hagenda havamo bake mu byiciro bitandukanye kugera hasigaye umwe arinawe wegukanye ikamba.

Harnaaz Sandhu ni we watangajwe nka Miss Univese 2021 mu gihe Nadia Ferreira wo muri Paraguay yabaye igisonga cya mbere naho Lalela Mswane wo muri Afurika y’Epfo yabaye igisonga cya kabiri.

Iri rushanwa ni ku nshuro ya kabiri ribaye mu bihe by’icyorezo cya COVID-19. Umukobwa wari uhagarariye u Bufaransa yasanzwemo iki cyorezo bituma ashyirwa mu kato yavuyemo habura iminsi mike ngo irushanwa rirangire.

Irushanwa rya Miss Universe ryatanzwe ku nshuro ya 70, Sandhu asimbuye Andrea Meza wo muri Mexico wari wegukanye iri kamba mu mwaka wa 2020.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO