Umukecuru w’imyaka 79 yafashe imbunda ajya ku rugamba ngo ahitane abasirikare b’Uburusiya

Intambara hagati y’Uburusiya na Ukraine igeze aho umwana arira nyina ntiyumve dore ko amazi agiye kuba atanu ibi bihugu byombi bihanganye ku buryo bukomeye ndetse abenshi mu baturage barahunze mu gihe abarenga amagana n’amagana bamaze kuhasiga ubuzima.

Kuri ubu haravugwa ifoto ikomeje kuvugisha benshi aho umukecuru ukomoka mu gihugu cya Ukraine yamaze kwegura imbunda nawe akiyemeza kujya ku rugamba ngo afashe igihugu cye kurwanya Uburusiya bwateye iki gihugu kuva kuwa 24 Gashyantare 2022.

Mbere gato y’uko iyi ntambara itangira Ukraine yari yariteguye uru rugamba kuburyo bukomeye ndetse yahisemo gutangira gutoza abasivile imbunda kugira ngo babashe kurwanirira iki gihugu.

Mu minsi ishize nibwo amwe mu mafoto yafashwe agaragaza abaturage ba Ukraine barimo kwitoza ku rugamba hagaragayemo n’umukecuru w’imyaka 79 y’amavuko aho nawe yari yaryamye hasi yitoza kurasa umwanzi ngo amuhamye.

Bivugwa ko uyu mukecuru yitwa Valentyna Konstantynovska ndetse afite imyaka 79 y’amavuko ndetse nawe yari yiteguye kurwanirira igihugu cye ndetse aya mafoto yafatiwe mu gace ka Mariupol .

Magingo aya ibihugu byombi yaba Ukraine n’Uburusiya bikomeje kurebana ay’ingwe ndetse abarenga miliyoni 14 z’abaturage bamaze kuva mu byabo ndetse abasaga miliyoni 6 bamaze guhunga.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO