Umukinnyi Opoku Mensah arashinjwa imyitwarire mibi irimo kunena bagenzi be mu ikipe ya Mukura Victory Sports

Umukinnyi Opoku Mensah ukomoka mu gihugu cya Ghana akomeje kwitwara nabi aho aregwa n’abagenzi be bakinana muri iyi kipe ikibazo cyo kwirata aho adashobora ngo gusangira nabo ndetse akaba adashobora no kurarana nabo.

Iyi myitwarire mibi ikomeje kuvugwa kuri uyu mugabo Opoku Mensah dore ko ariwe ufite ibitego byinshi mu ikipe ya Mukura Victory Sports ndetse uyu mugabo ukomoka mu gihugu cya Ghana yakunzwe cyane n’Umutoza Tony Hernandez utoza iyi kipe mu mizo ye ya mbere akigera mu ikipe ya Mukura Victory Sports.

Gusa bidaciye kabiri uyu mukinnyi yahise atangira kwikuza no kwishyira hejuru bituma atangira kunena bagenzi be kuburyo amakuru aturuka mu karere ka Huye ni uko uyu musore ukomoka mu gihugu cya Ghana yanzwe cyane n’abafana b’iyi kipe kubera ubwiyemezi budasanzwe uyu mukinnyi yereka bagenzi be.

Uyu mukinnyi araregwa na bagenzi be ko iyo bagiye mu nzu y’uburiro adashobora gusangirara hamwe nabo amafunguro ndetse niyo bagiye kuryama ngo ntashobora kugira n’umwe begerana ugasanga arimo kubiranda abanena.

Amakuru aturuka mu ikipe ya Mukura Victory Sports yemeza ko uyu mukinnyi akunda no kuvuna bagenzi be iyo barimo gukora imyitozo kandi akabikora yabigambiriye kuburyo aherutse kuvuna bikomeye umukinnyi Nsabamahoro Vincent aho abakinnyi bagenzi be bashatse kumukubita gusa bisubiraho.

Kuri ubu uyu mukinnyi yamaze kwirukanwa mu myitozo ndetse umutoza Tony Hernandez yamaze gutangaza ko atakifuza ukundi uyu mukinnyi Opoku Mensah ukomoka mu gihugu cya Ghana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO