Umukinnyi ukomoka muri Nijeriya nawe yamaze gusezera mu ikipe yakiniraga y’Uburusiya nyuma yo gufatirwa ibihano

Sylvester Igboun abaye umukinnyi wa mbere ukomoka ku mugabane wa Afurika ufashe umwanzuro asezera muri shampiyona yo mu gihugu cy’Uburusiya nyuma y’ibihano bikomeje gufatirwa iki gihugu, kubera gushoza intambara ku gihugu cya Ukraine kuva kuwa 21 Gashyantare muri uyu mwaka wa 2021.

Uyu mukinnyi w’imyaka 31 y’amavuko afashe uno mwanzuro nyuma y’itangazo ryasohowe n’ishyirahamwe ry’umupira w’amaguru ku isi ryemereraga abakinnyi bose b’abanyamahanga bakina mu gihugu cy’Uburusiya ko bashobora kuva muri shampiyona y’iki gihugu ndetse bakaba banahita bahagarika amasezerano bafitanye n’amakipe yo muri iki gihugu.

Umukinnyi Igboun yari amaze igihe cy’ukwezi kumwe gusa asinyiye ikipe ya Novgorod nyuma yo gutandukana n’ikipe ya Dynamo Moscow, uyu mukinnyi yahagaritse amasezerano n’iyi kipe nyuma y’ibibazo bikomeje kugaragara mu gihugu cy’Uburusiya nyuma yo gushoza intambara ku gihugu cya Ukraine.

Umujyanama w’uyu mukinnyi yabwiye ikinyamakuru cya BBC ko umwanzuro wo kuva muri iyi kipe wafashwe na nyiri ubwite nyuma yo kuganira bihagije n’umuryango we, ndetse uyu mukinnyi yari amaze kugaragara mu kibuga inshuro imwe gusa kuva yasinyira iyi kipe.

Mu cyumweru gishize nibwo ishyirahamwe ry’umupira w’amaguru ku isi FIFA ryasohoye itangazo ryemerera abakinnyi b’abanyamahanga bakina mu gihugu cy’Uburusiya ko bashobora guhagarika amasezerano yabo mu makipe bakinamo bagasubira iwabo cyangwa bakajya gukina ahandi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO