Umukinnyi wa filime Michael K. Williams uzwi muri ‘The Wire’ yitabye Imana

Umunyamerika Michael K. Williams wamenyekanye cyane muri filime yitwa “The Wire” yitabye Imana aho bamusanze mu nyubako iwe yapfuye bigakekwa ko yishwe n’ibiyobyabwenge yanyoye akarenza urugero.

Uyu mugabo w’imyaka 54 yasanzwe mu cyumba yabagamo iwe ku meza yari hafi ye hari uruvangitirane rw’ibiyobyabwenge yari yavangavanze, ku buryo bikekwa ko aribyo byaba byarageze mu mubiri we bikarenza urugero kugera aho apfuye.

Umwe mu nshuti ze bataherukanaga niwe wagiye kumureba iwe ahageze asanga yashizemo umwuka.

Uyu mugabo yamenyekanye cyane muri filime yitwa The Wire yanyuraga kuri HBO aho aba akinamo yitwa Omar Little.

Nyuma y’urupfu rwe HBO yakoranaga nawe bya hafi ndetse bari bamaranye imyaka irenga 20, yasohoye itangazo yihanganisha umuryango we ndetse n’abakunzi be.

Izindi filime yagaragayemo harimo “Body Brokers, Super fly, Doing hard time, 12 years a slave, snitch, Tripple 9, Critical thinking” n’izindi.


Michael K. Williams yapfuye ku myaka 54

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO