Umukino ugomba guhuza AMAVUBI na Cap vert wimuwe

Umukino w’ikipe y’igihugu y’u Rwanda n’iya Cap Vert wagombaga kuba taliki ya 13 Ugushyingo wahinduriwe I taliki bawegeza imbere ho iminsi ibiri.

Umukino wo guhatanira itike yo kwerekeza mu gikombe cya Afurika kizabera muri Cameroun mu mwaka wa 2022, wagombaga guhuza Amavubi na Cap Vert tariki 13/11/2020, wamaze gushyirwa tariki 11/11/2020, ukazabera muri Cap Vert nk’uko byari biteganyijwe.

Ibi byatangajwe n’ishyirahamwe ry’umupira w’amaguru mu Rwanda Ferwafa binyuze ku rubuga rwabo rwa Twitter.

Uyu mukino uzabera kuri Stade yitwa Stadium Estadio Nacional ’’Blue Shark’’ Cabo Verde, ukazatangira ku I Saa Kumi n’ebyiri zuzuye ku isaha yo mu Rwanda, naho uwo kwishyura ukazaba tariki 17/11/2020 I Kigali mu Rwanda.

Nyuma y’icyumweru abakinnyi bakora imyitozo, baje guhabwa ikiruhuko cy’icyumweru kizarangira tariki 25/10/2020, iyi myitozo ikazasubukurwa hiyongeramo n’abakinnyi ba APR FC, ndetse n’abakina hanze y’u Rwanda bazagenda bahagera mu bihe bitandukanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO