Umukino wa Rayon Sport na APR FC wahinduriwe amasaha

Ku wa gatandatu, Tariki 26 Gashyantare 2022 hategerejwe umukino w’amateka hano mu Rwanda uzahuza Rayon Sport na APR FC kuri Stade ya Kigali, gusa wahinduriwe amasaha ushyirwa Saa cyenda n’igice aho kuba Saa cyenda zuzuye.

Uyu mukino w’umunsi wa 19 wa shampiyona wahinduriwe amasaha mu nama yo gutegura uyu mukino yabereye kuri FERWAFA.

Ni inama yari iyobowe na Jules Karangwa wari uhagarariye Ubunyamabanga bw’iri shyirahamwe.

Imwe mu myanzuro yavuye muri iyi nama, harimo n’ihindurwa ry’amasaha y’uyu mukino washyizwe Saa cyenda n’igice aho kuba Saa cyenda.

Ibi bikaba byakozwe mu rwego rwo kwirinda kubangamira isiganwa ry’amagare rya Tour du Rwanda rizasorezwa i Nyamirambo kuri uwo munsi wo ku wa gatandatu, mu gihe uyu mukino nawo uzabera kuri Stade ya Kigali iherereye i Nyamirambo.

Rayon Sport izakira uyu mukino iri ku mwanya wa kane ku rutonde rwa shampiyona n’amanota 32 naho APR FC ikaba iyoboye n’amanota 40.

Umukino ubanza APR FC yatsinze Rayon Sport ibitego 2-1.

Ibiciro by’uyu mukino bikaba byarazamuwe bishyirwa ku mafaranga 5000 ahasanzwe, FRW 10,000 muri VIP, ndetse FRW 20,000 muri VVIP.


Inama yabereye ku cyicaro cya FERWAFA yemeje ihindurwa ry’amasaha y’umukino wa Rayon Sport na APR FC


Rayon Sport ikomeje imyitozo idasanzwe mu Nzove


APR FC ikomeje imyitozo idasanzwe i Shyorongi

Imikino y’umunsi wa 19 wa shampiyona:

Tariki ya 25 Gashyantare 2022:

Gorilla FC vs Police FC, Kigali Stadium - Saa 12:30
Gasogi United vs Bugesera FC, Kigali Stadium - Saa 15:00
Mukura VS&L vs Rutsiro FC, Huye Stadium - Saa 15:00
Marine FC vs AS Kigali, Umuganda Stadium - Saa 15:00

Tariki ya 26 Gashyantare 2022:

Rayon Sports FC vs APR FC, Kigali Stadium - Saa 15:30
Espoir FC vs Musanze FC, Rusizi Stadium - Saa 15:00

Tariki 27 ya Gashyantare 2022:

Kiyovu Sport vs Gicumbi FC, Kigali Stadium - Saa 15:00
Etincelles FC vs Etoile de l’Est FC, Umuganda Stadium - Saa 15:00

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO