AS Kigali itsinze umukino wagombaga kuyihuza na KCCA FC zidakinnye

Umukino ubanza w’ijonjora rya kabiri rya CAF Confederation Cup wari guhuza AS Kigali na KCCA FC yo muri Uganda ntabwo ukibaye kubera ko hari abakinnyi ba KCCA FC bapimwe bagasanga baranduye COVID-19.

Uyu mukino wagombaga kuba kuri uyu munsi taliki ya 23 Ukuboza 2020 ukabera kuri Stade ya Kigali I Nyamirambo.

Mu gitondo cyo kuri uyu munsi nibwo habayeho inama yari irimo komiseri w’umukino hamwe n’abayobozi b’impande zombi baza kwemeza ko umukino usubikwa kubera ko nta bakinnyi bahagije KCCA yari ifite.

Komiseri wari buyobore uyu mukino we jemeje ko iyi kipe yo muri Uganda iterwa mpaga y’ibitego bibiri.

Ubwo iyi kipe yakoraga imyitozo ya nyuma kuri Stade ya Kigali, ibisubizo yafatiwe i Kigali byagaragaje ko hari abandi bakinnyi babiri banduye COVID-19.

Iyi kipe yageze i Kigali ku Cyumweru ifite abakinnyi 14 mu gihe havugwaga ko umutoza wayo mukuru, Mike Mutebi n’abandi bakinnyi 12 banduye COVID-19.

KCCA yatangaje ko yatewe mpaga y’ibitego bibiri

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO