Umukino wa nyuma wa UEFA Champions League wakuwe mu Burusiya wimuriwa i Paris mu Bufaransa

UEFA yimuye umukino wanyuma wa Champions League wagombaga kubera Saint Petersburg mu Burusiya, wimurirwa i Paris mu Bufaransa.

Kuri uyu wa gatanu, perezida wa UEFA, Aleksander Ceferin, yayoboye inama idasanzwe ya Komite Nyobozi ya UEFA yafatiwemo umwanzuro wo kwimura umukino wa nyuma wa Champions League nyuma y’igitero cya gisirikare cyagabwe kuri Ukraine kiyobowe na perezida w’Uburusiya Vladimir Putin.

Uyu mukino wakuwe kuri Gazprom Arena iherereye Saint-Peterburg mu Burusiya, ushyirwa kuri ’Stade de France’ i Paris mu Bufaransa, gusa amatariki uyu mukino uzaberaho ntiyahindutse , dore ko wagumye ku itariki 28 Gicurasi 2022.

Umurwa mukuru w’Ubufaransa waherukaga kwakira umukino wa nyuma wa Champions League mu 2006, ubwo Barcelona yatsindaga Arsenal ibitego 2-1.

UEFA yemeje kandi ko izimura imikino yose, mu marushanwa igenzura yagombaga gukinirwa mu Burusiya na Ukraine, yaba imikino y’amakipe (Clubs) ndetse ni y’amakipe y’ibihugu.


Umukino wanyuma wakuwe mu Burusiya ushyirwa mu Bufaransa

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO