Umukobwa wa Koffi Olomide akomeje kubaka amateka mu Bufaransa

Didi Stone Olomide ni umukobwa w’icyamamare mu muziki wo muri Congo Kinshasa Koffi Olomide , uyu mukobwa w’imyaka 21 wihebeye ibijyanye no kumurika imideli mu bufaransa aho aba , akomeje kuvugisha benshi kubera ubwiza bwe n’ubuhanga akomeje kugaragaza muri ako kazi .

Uyu mukobwa ntabwo yigeze yitwaza aho akomoka ngo abe icyamamare ahubwo byose byatangiye ku myaka 15 ari mu mihanda y’i Paris asabwa ko yafotorwa n’umwe mu bantu bashinzwe gushakira ibiraka amaduka y’imideli akomeye mu bufaransa abakobwa bavamo abanyamideli.

Yagize ati”Yansabye ko yamfotora kuko yabonaga ko navamo umunyamideli mwiza sinigeze mwangira kuko n’ubusanzwe nari nsanzwe mbikunda numva nzabikora ariko sinakekaga ko hari igihe inzu zikomeye ndetse n’abanyamideli bakomeye hano mu bufaransa nka Jean Paul Gaultier na bandi benshi."

Yakomeje avuga ko nyuma y’igihe gito yaje kwitabazwa nabo banyamideli bituma atangira kuba icyamamare mu bijyanye n’imideli ndetse biramuhira bitangira no kumwinjiriza amafaranga menshi mu buryo atakekaga gusa akaba yishimira aho bimugejeje mu buzima bwe.

Didi Stone Olomide akimara gutangira kwamamara yashyize ingufu nyinshi ku mbuga nkoranyambaga ze aho kugeza ubu akurikirwa nabarenga miliyoni imwe kuri instagram, aho agaragariza ubuzima bwe bwa buri munsi akaba aribyo bituma abanyamideli benshi bakomeye mu bufaransa bamwifashisha mu kwamamaza ibikorwa byabo, bikaba kandi byaratumye akomeza kuvugisha benshi ku mbuga nkoranyambaga ze zitandukanye.

Uyu mukobwa wize ibijyanye n’ubucuruzi mu by’imyamabarire mu gihugu cy’ubufaransa aherutse gutangariza Jeune Afrique ko nubwo akomeje kwamamara yifuza gushinga iduka rye rikora ibijyanye n’imideli haba mu bufaransa ndetse no ku ivuko muri Congo Kinshasa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO