Undi mukinnyi uri mu bakomeye mu ikipe ya Paris Saint Germain nawe yari mu rwa Gasabo

Rutahizamu ukina asatira mu b’imbere ba Paris Saint Germain ariwe Mauro Icardi n’umufasha we Wanda Nara basesekaye mu Rwanda aho barimo kwizihiza isabukuru y’imyaka 8 bamaze mu bashyingiranwe.

Ku mbuga nkoranyambaga z’umugore wa Mauro Icardi hagaragayeho amafoto agaragaza aba bombi bari mu Rwanda aho bari basuye ibice bitandukanye by’igihugu.

Kimwe mu bitangazamakuru byandikirwa mu gihugu cya Argentine cyatangaje ko umugore wa bwana Mauro Icardi yamusabye ko batemberera mu Rwanda mu gihe bizihiza isabukuru yabo y’imyaka umunani bamaze bashyingiranwe.

Ibi bije nuyuma y’uko mu mwaka wa 2021 umubano w’aba bombi wacumbagiraga, ndetse amakuru yakomeje guhamya ko Mauro Icardi yacaga umugore we inyuma ndetse ibi byatumye umubano wabo usa n’aho utangira gucumbagira.

Mu butumwa yanyujije ku mbuga nkoranyambaga, Icardi yerekanye ibyishimo afite byo kwizihiza isabukuru yo gushyingiranwa n’umugore we Nara.

Uyu mugabo mu magambo ye yagizwe ati’’Isabukuru nziza kuri twe. Uyu munsi ni umunsi wacu, ku wa 27 Gicurasi. Imyaka umunani irashize ndi kumwe na @wanda_nara. Ndagukunda.’’

Wanda Nara n’umugabo we Mauro Icardi bageze mu Rwanda bakoresheje kajugujugu yabo bwite.

Ubwo bageraga mu Rwanda Mauro Icardi n’umufasha we basuye ahantu nyaburanga hatandukanye ndetse banasura Urwibutso rwa Jenoside yakorewe Abatutsi rwa Kigali ruherereye ku Gisozi.

Icardi n’umugore we basuye U Rwanda nyuma y’aho abakinnyi bagenzi be barimo Sergio Ramos n’abandi nabo bari bakubutse mu Rwanda mu gikorwa cya Visit Rwanda dore ko ikipe yabo ya Paris Saint Germain ari umufatanyabikorwa mu bijyanye na Visit Rwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO