Umunya Iran yarashwe azira kwishimira ko basezerewe mu gikombe cy’Isi na Leta Zunze Ubumwe za Amerika maze bituma yitaba Imana

Umusore w’imyaska 27 y’amavuko witwa Mehran Samak yarashwe azira kwishimira ko ikipe y’igihugu ya Iran yasezerewe mu mikino y’igikombe cy’Isi nyuma yo gutsindwa na USA maze ahita ashiramo umwuka.

Mu ijoro ryo kuri uyu wa kabiri taliki ya 29 Ugushyingo 2022, uyu mugabo yagaragaye azenguruka umujyi avuza amahoni y’imodoka ye maze bituma inzego z’abashinzwe umutekano zirasa uyu mugabo kubera ko yishimiraga ko Iran yatsinzwe na Leta Zunze Ubumwe za Amerika bisanzwe bidacana uwaka.

Mu mukino wahuje Iran na Leta Zunze Ubumwe za Amerika amakipe yombi yari yakaniye cyane gusa byarangiye Leta Zunze Ubumwe za Amerika zibonye intsinzi y’igitego 1-0 maze Iran ihita isezererwa ityo.

Ni umukino warimo imbaraga nyinshi ku mpande zombi kuko uretse no kuba bahuriye mu kibuga n’ubusanzwe ibi bihugu ntibijya imbizi mu bijyanye na Politike.

Uyu mugabo wo mu Majyaruguru ya Iran, mu gace ka Bandar Anzali, ubwo umukino warangiraga yahise atangira kugenda avuza amahoni y’imodoka yishimira ko Iran isezerewe, ibintu byamukurijemo kuraswa agapfa.

Umunya Iran yarashwe azira kwishimira ko igihugu cye gisezerewe mu gikombe cy’Isi nyuma no gutsindwa na USA aho byamuviriyemo kuhasiga ubuzima

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO