Umunyabigwi Arstide Mugabe yamaze gusezera mu ikipe y’igihugu ya Basketball

Umunyabigwi Arstide Mugabe yifashishije imbuga nkoranyambaga maze atangaza ko yasezeye mu ikipe y’igihugu mu mukino wa Basketball.

Arstide Mugabe ubusanzwe yari amaze imyaka isaga 11 akinira ikipe y’igihugu y’U Rwanda ya Basketball ndetse kuri ubu ni umukinnyi wa Patriot Basketball Club.

Mugabe Aristide umaze imyaka15 akina Basketball,afatwa nk’umwe mu bakinnyi babaye inkingi ya mwamba mu mukino wa Basketball mu Rwanda bijyanye n’ishyaka yagiraga mu kibuga ubwo yabaga akinira ikipe y’igihugu.

Yifashishije imbuga nkoranyambaga ze, bwana Mugabe Aristide yagize ati "Byabaye impamo! Imyaka 11 mpagarariye igihugu cyanjye u Rwanda.Imana yatumye mbigeraho.Byabaye icyubahiro n’umugisha kuba umwe mu bagize ikipe yigihugu

Yakomeje agira ati:Ndashimira Imana,ndashimira abantu bose bagize uruhare mu rugendo rwanjye; @ferwaba,abavandimwe banjye (abakinnyi), abatoza bose, abaganga, .. inshuti zanjye n’umuryango wanjye,ndetse n’abafana banjye nkunda.

Mwarakoze mwese kunyizera no kunshyigikira, Noneho urugendo rurarangiye, ndabashimiye,nishimiye ko natanze byose. N’igihe cyo kwinjira mu gice gishya.
IMANA ibahe umugisha mwese, LOVE&RESPECT."

Bwana Aristide Mugabe yabonye izuba kuwa 11 Gashyantare 1988 avukira i Huye mu ntara y’Amajyepfo, akaba ari ubuheta mu muryango w’abana batatu.

Mugabe w’imyaka 34 y’amavuko yakiniye amakipe atandukanye mu Rwanda arimo Rusizi BBC kuva mu 2007 kugeza mu 2009 mbere yo kujya muri Espoir BBC.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO