Umunyamerika ‘Vasti Jackson’ yakoze indirimbo ivuga ku bwiza bw’u Rwanda

Umuhanzi w’umunyamerika Vasti Jackson yasohoye indirimbo nshya yise ‘Rwandaful’ aho aba yerekana ubwiza bw’u Rwanda n’ibihe byiza yahagiriye ubwo aheruka kuhasura. Hashize imyaka ibiri uyu muhanzi asuye u Rwanda.

Ubwo yari mu Rwanda yifuje kugira uruhare mu kubaka uruganda rw’umuziki agahuza abahanzi Nyarwanda hamwe n’abo muri Amerika kugirango barusheho gukora kinyamwuga.

Uyu mugabo wakunze umuco Nyarwanda yifuje gusangiza isi ibyiza by’u Rwanda birimo umuco, n’uburyo bakirana urugwiro abantu babagana abinyujije mu mpano ye yo kuririmba.

Mukiganiro yagiranye n’ikinyamakuru cya The new times yavuze ko yakoze iyi ndirimbo abikomoye ku bwiza yabonye mu Rwanda.

Ati “ Igitekerezo cyaje bivuye kubyo nabonye haba ku bwiza bw’u Rwanda karemano. Ahantu hose nageraga hangwaga neza, haba umuyaga, izuba, imvura ibiti n’ibindi.”

Ku rubuga rwe nyuma yo gusohora iyi ndirimbo yagize ati "Ugushyingo 2020, nasuye u Rwanda umutima wa Afurika bituma jya mu rukundo n’iki gihugu bitewe n’ubwiza bwacyo harimo ibiyaga, umuziki, umuco n’abantu."

Nyuma yo gusohora kuri iyo ndirimbo ivuga ku Rwanda avuga ko azakomeza gukorana n’abahanzi bo muri Afurika kubera ko akunda umuco Nyafurika nk’umwana wahavukiye.

Muri iyo ndirimbo ye yagiye yerekana uduce dutandukanye two mu Rwanda harimo ikiyaga cya Kivu, icyayi cy’u Rwanda ishyamba ryo mu duce dutandukanye n’amasura y’abanyarwanda babyina imbyino gakondo.

Vasti Jackson, uretse kuba ari umuhanzi ni Producer, akaba umuhanga mu gucuranga Gitari akaba yibanda mu njyana ya Blues.


Uyu muhanzi ukomeye muri Amerika avuga ko yakunze u Rwanda

Reba iyo ndirimbo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO