Umunyarwanda Judith Heard aragaragara muri New York Fashion Week

Umunyarwanda Judith Heard aritabira ibirori bikomeye byo kwerekana imideli bya New York Fashion Week biteganyijwe gutangira uyu munsi kuwa Kane tariki 5 Nzeli 2019.

Ibirori byo kwerekana imideli bizwi nka ‘New York Fashion Week’ biri mu biyoboye ibindi kuri iyi Si ndetse bikaba binamaze igihe dore ko byatangiye byitwa “Press Week” bikaza guhindurirwamo NYFW mu 1943, byibanda cyane mu bijyanye no kumurika imideli, aho ibi birori ubusanzwe biba inshuro ebyiri mu mwaka, muri Gashyantare ndetse no muri Nzeli buri mwaka.

Ibi birori bya New York Fashion Week bisanzwe biba hagati y’iminsi 7 na 9 aho biba bigamije gushyira hamwe imideli mu rwego kuyimurika no kuyigurisha ndetse no kuyimurikira itangazamakuru. Iyi NYFW ni imwe muri enye zikomeye zirimo: Paris Fashion Week, London Fashion Week, Milan Fashion Week ndetse na The Council of Fashion Designers of America (CFDA).

Judith Heard ni umu-model watangiriye uyu mwuga muri Owori’s Ziper mu mwaka wa 2003,aho byamusabye kuva mu ishuri rya (Kigali Girls Secondary School) kugirango akurikirane neza ibijyanye n’akazi ke.

Mu mwaka wa 2017 yahawe agashimwe na Nyakubahwa perezida wa Repubulika y’U Rwanda Paul Kagame na Jeannette Kagame nk’umwe mu banyamideri banakora ibikorwa binyuranye byo gufasha.

Judith Heard wabuze ababyeyi be muri Jenoside yakorewe Abatutsi 1994, yashatse umugabo Dr.Alex Heard muri 2006, aho barera umwana w’umuhungu kuva mu mwaka wa 2011 ndetse n’abandi bana babiri b’abakobwa b’impanga babyaye mu mwaka wa 2014.

Biteganyijwe ko New York Fashion Week itangira uyu munsi tariki 5 Nzeli 2019 ikazasozwa tariki 13 Nzeli 2019 I New York ho muri leta zunze ubumwe za Amerika.

Genesisbizz

Related Articles

TANGA IGITEKEREZO