Umunyarwandakazi "DJ Princess Flor" atwite imvutsi

Umunyarwandakazi uba mu Bubiligi DJ Princess Flor yatangaje ko atwite yitegura kwibaruka umwana w’umukobwa.

Yabitangaje kuri uyu wa Gatatu abicishije kuri konti ye ya Instagram, aho yavuze ko afite amatsiko yo kureba n’amaso imfura ye y’umukobwa ibura ukwezi kumwe ngo ivuke.

Ati “ Ku mukobwa wanjye mfite amatsiko yo kukumenya, kubona isura yawe nkagupfumbata mu biganza. Ngusezeranyije ko nzakora ibishoboka byose ngo ugire ubuzima bwiza".

"Si ngombwa ko nzaba ndi umubyeyi w’intungane ariko nzakora ibishoboka ngo ngushimishe.”

Ntabwo DJ Princess Flor yagaragaje se w’umwana we kuko bisanzwe bizwi ko ari umukobwa, kandi atigeze ashyira hanze ibijyanye n’ubuzima bwe bw’urukundo.

DJ Princess Flor uba mu Bubiligi yamenyekanye mu gucuranga mu tubyiniro n’ibirori bitandukanye byagiye bibera mu Bubiligi.


Mu 2019 yigeze no kuza gucurangira i Kigali.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO