Umunyarwandakazi Muhozi ahatanye mu marushanwa y’Abanyamideli mu Burayi

Umunyarwandakazi Muhozi kethya ari mu banyamideli bahataniye ibihembo binyuranye mu marushanwa y’Abanyamideli bo ku mugabane w’Iburayi.

Muhozi kethya usanzwe utuye mu gihugu cy’Ububiligi, ni umwe mu Banyamideli bahataniye ibihembo bya Top Model Europe bisanzwe byakira abahatanye mu byiciro bibiri biri hagati y’imyaka 14 na 26 y’amavuko ndetse n’abari hagati y’imyaka 16 na 32 Y’amavuko.

Muhozi aganira na Genesisbizz yatangaje ko yifuza gusaba Abanyarwanda kumushyigikira muri aya marushanwa y’Abanyamideli bo ku mugabane w’Uburayi.

Yagize ati: “icyo nifuza ni ugushyigikirwa muri aya marushanwa akomeye kuri uyu mugabane w’Uburayi, kuko gutora bidasaba ko uba uri kuri uyu mugabane.”
Muhozi yemeza ko umuntu wese yatorera ahariho hose aherereye

Ubusanzwe kwitabira aya marushanwa y’Abanyamideli mu Burayi bisaba kwishyura amayero akoreshwa ku mugabane w’Iburayi angana na 35£, ku bifuza kuyitabira binyuze ku rubuga rwa murandasi rw’iri rushanwa.

Abakobwa bitabira aya marushanwa bagomba kuba basanzwe bujuje uburebure bungana na Metero 1 na Santimetero 75 naho ku bahungu bo baba bagomba kuba bujuje Metero 1 na Santimetero 85.

Muhozi kethya wamaze kurenga icyiciro cy’amajonjora kugeza magingo aya, arasaba Abanyarwanda kumutora bakanze kuri iyi link: https://topmodeleurope.net/public-vote/?contest=photo-detail&photo_id=10981 igufasha kukugeza neza aho bamutorera ubundi ugakanda ahanditse ‘VOTE NOW’.

Gutora byatangiye tariki 20 Mata uyu mwaka ku rubuga rw’iri rushanwa rya Top Model Europe , bikaba biteganyijwe ko bizasozwa tariki 28 Mata uyu mwaka.

Bimwe mu bihembo bazahemba uzegukana aya marushanwa, harimwo kuba bazahabwa amahirwe yo kwitabira no kugaragaza imideli muri Fashion Week zikomeye ku isi, ndetse no kububakira amazina ahamye muri uwo mwuga, hakaniyongeraho kuzahabwa amahugurwa mu gihe cy’umwaka wose ari nako banakorana n’abafatanya bikorwa b’iri rushanwa.

Muhozi akaba asaba Abanyarwanda kumutora bamuhesha amahirwe yo kujya mu cyiciro gikurikiyeho cya Demi Finale, dore ko azaba anahagarariye igihugu cyacu.

Muhozi arasaba abanyarwanda gukomeza kumuhesha amahirwe yo gukomeza muri aya marushanwa bamutora

Credit: Rutanganda Joël

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO