Umunyarwandakazi ari mu bakemurampaka b’irushanwa rya Chicago International Film Festival

Umuhire Eliane, umunyarwandakazi umaze kubaka izina muri sinema yashyizwe mu bagize akanama nkempurampaka mu irushanwa rya filime ryo muri Amerika ryitwa “Chicago International Film Festival.”

Abategura Chicago International Film Festival batangaje abagize akanama nkempurampaka kazatanga amanota kuri filime ziri mu irushanwa maze hagaragaramo izina ry’umunyarwandakazi ari we Umuhire Eliane.

Umwuga wo gukina amafilime, Umuhire Eliane yawutangiye akina ikinamico muri Kaminuza nkuru y’u Rwanda.

Nyuma yo kurangiza kwiga yinjiye mu itorero ry’ikinamico rya Mashirika ndetse na Ishyo Arts Centre aho yagaragaye mu mikono itandukanye mu Rwanda no mu mahanga.

Izina rye ryamenyekanye cyane ubwo yakinaga muri filime yitwa “Birds Are Singing in Kigali” aho akina ari nk’umwe mu bakinnyi b’imena.

Iri serukiramuco azaba arimo nk’ugize akanama nkemurampaka rya “Chicago Film Festival” ni rimwe mu maserukiramuco ya sinema akomeye muri Leta Zunze Ubumwe z’Amerika, muri uyu mwaka wa 2020 rizaba ku nshuro ya 56.

Rizatangira tariki 14 Ukwakira kugera tariki 25 Ukwakira 2020, aho hazerekanwa filime ziturutse ku migabane itandukanye.


Umuhire Eliane ni Umunyarwandakazi uzaba agize akanama nkemurampaka muri iri rushanwa


Uyu mukobwa yamenyekanye cyane muri filime yitwa Birds Are Singing in Kigali

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO