Umunyarwenya Eric Omondi yatawe muri yombi

Umunyarwenya Eric Omondi ukunzwe cyane mu gihugu cya Kenya ndetse no mu karere kubera gusetsa abantu yatawe muri yombi azira imyitwarire idahwitse .

Ibi byatangajwe n’ Umuyobozi mukuru w’inama y’amafirime ya Kenya (KFCB), Dr Ezekiyeli Mutua ko umunyarwenya Eric Omondi yatawe muri yombi azira kurenga ku mahame y’ubuyobozi.

Nkuko yakomeje abivuga yagize ati: "abakozi bacu bashinzwe gukurikirana ibijyanye na Filime bari kumwe n’abapolisi bo mu buyobozi bushinzwe iperereza ku byaha (DCI) ku gicamunsi cyo kuri uyu wa kane bataye muri yombi Eric Omondi .

Eric Omondo yatawe muri yombi azira kurenga ku mabwiriza ateganywa mu itegeko ryerekeye amafilime muri Kenya .

Ntabwo ari ubwa mbere Dr Mutoa na Eric Omondi batemeranya ku bikubiye muri filime nshya, «Wife Material.» ya Eric Omondi igaragaramo abantu bo muri Kenya na Tanzaniya bagaragara barwanira mu ruhame kandi bahatira abapolisi kugira icyo bakora.

Muri iyo filime hari amashusho agaragamo umukobwa mwiza akubita ameza cyane yarangiza akamena ibirahuri byarimo inzoga ku bantu, ibintu benshi batavuzeho rumwe kuri Internet, aho bamwe bibajije niba ibyo bakinaga ari ukuri cyangwa Ikinamico.

Nyuma y’uko ayo mashusho agiriye hanze byarakaje cyane Umuyobozi mukuru wa KFCB, Ezekiyeli Mutua, ari naho yahereye avuga ko iyo filime "iboze".

Nyuma yo kuvuga gutyo Bwana Mutua yavuze ko Inama y’Ubutegetsi igiye gufata ingamba zose zishoboka mu rwego rwo gukumira ibicuruzwa no kugurisha filime zitemewe ku rubuga urwo ari rwo rwose rugamije kuba imurikagurisha rusange.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO