Umuramyi Anna uba USA yasohoye indirimbo ivuga ku buzima bw’ibyo yaciyemo

Umunyarwandakazi Murekatete Anna ukora indirimbo zo kuramya no guhimbaza Imana utuye muri Leta Zunze Ubumwe za Amerika yasohoye indirimbo nshya yise Ni wowe avuga ko ivuga ku buzima yaciyemo ariko Imana imuba hafi.

Uyu muhanzi ukomoka mu Rwanda atuye muri USA muri leta ya Kentucky, mu mujyi wa Lexington. Avuga ko umuziki yawutangiye muri 2021.

Ati “Muri uyu mwaka nibwo urugendo rw’umuziki narutangiye nk’umwuga ariko mu buzima busanzwe nkaba narindi umuririmbyi kuva mu bwana.”

Yahisemo gukora umuziki wo kuramya no guhimbaza Imana kubera ko afite gahunda yo guhumuriza imitima y’abantu bababaye no gukomeza abakomeretse mu mitima bagakomerera mu mwami Yesu.

Ati “Numvise binjemo numva ko impano yanjye ntagomba kuyipfusha ubusa kandi hari abo natabara nkaba nabafasha kwakira agakiza binyuze mu bihangano byanjye.”

Kuri ubu yasohoye indirimbo nshya yise ‘Ni wowe’ avuga ko ishingiye ku buzima bwe bitewe nibyo yanyuzemo bigoye ariko Imana ikamuba hafi. Ati “Bivuze ko isobanuye byinshi kuri njye.”

Nk’umuhanzi ukiri mushya muri uru rugendo avuga ko ataragera aho yifuza ariko yizeye ko azahagera bitewe n’imbaraga z’uwiteka.

Mu bahanzi Nyarwanda bakora umuziki wo kuramya no guhimbaza Imana ngo yifuza byibuze kuzakorana nabo indirimbo harimo Aline Gayongayire na Isreal Mbonyi.


Yifuza gukorana indirimbo n’abahanzi barimo Mbonyi na Gahongayire

Indirimbo ye nshya

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO