Gentil Misigaro n’umugore we bibarutse ubuheta

Umuhanzi uri mu bakunzwe mu muziki wo guhimbaza Imana ukorera umwuga we muri Canada, Gentil Misigaro na Mugiraneza Rhoda bibarutse ubuheta nyuma y’imyaka ibiri barushinze.

Misigaro abinyujije ku rukuta rwe rwa Instagram yasangije abamukurikira inkuru y’ibyishimo yo kwibaruka ubuheta bwe.

Yagize ati “Iyo ategetse biratungana. Twishimiye guha ikaze umwana wacu wa kabiri mu muryango.’’

Uyu mwana ni uwa kabiri wa Misigaro na Mugiraneza, barushinze tariki 16 Werurwe 2019, mu bukwe bwabereye mu Mujyi wa Kigali. Imfura yabo yitwa Misigaro Abraham, yabonye izuba ku wa 4 Nzeri 2020.

Nkuko amakuru abivuga uyu mwana wabo yahawe izina rya Misigaro Asaph. Yavukiye mu Bitaro bya Peace Arch Hospital biherereye mu Mujyi wa Vancouver muri Canada.

Gentil Misigaro yakunzwe mu ndirimbo zitandukanye zahembuye benshi zirimo ‘‘Biratungana’’, ‘‘Hari imbaraga’’, ‘‘Buri munsi’’, ‘‘Umbereye maso" n’izindi.

Ni ibyishimo byinshi mu muryango wa Gentil Misigaro na Mugiraneza Rhoda


Mugiraneza Rhoda yibarukiye mu Bitaro bya Peace Arch i Vancouver muri Canada

Gentil Misigaro ateruye umwana we w’ubuheta yise Misigaro Asaph


Imfura ya Gentil Misigaro na Mugiraneza Rhoda yitwa Misigaro Abraham

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO