Umuramyi Kwizera yakoreye indirimbo umukunzi we ashimira Imana yumuremeye

Kwizera Eric ukora indirimbo zo kuramya no guhimbaza Imana yasohoye indirimbo nshya yise ‘Umuremyi’ avuga ko yayikoze ari kumwe nuwo bitegura kubana ashimangira ko Imana ari umuremyi kuko yamuremeye umugore.

Kwizera Eric ni umunyamuziki ubarizwa mu idini ry’Abadivantiste b’umunsi wa karindwi, yatangiye gukora umuziki akiri umwana ariko abitangira by’umwuga muri 2017.

Uyu musore nubwo aririmba abivanga n’akandi kazi ko gutunganya indirimbo ngo kuko byose abikora bitewe n’urukundo afitiye umuziki.

Ati “Nkora production nk’akazi, ariko kuririmba byo sinabyita akazi, kuko mbikora nshaka gusakaza ibindimo ngendeye ku nyigisho cyangwa amarangamutima yanjye.”

Yasohoye indirimbo nshya yitwa “Umuremyi” avuga ko yayikoze arihamwe na Fiancée.
Ati “Nayikoze mu rwego rwo gushimangira ko Imana ari umuremyi bitewe n’umukunzi wanjye yaremye kuko ari ihamwe twifuza kuzubakiraho urugo rwacu.”

Iyi ni indirimbo ye ya gatatu ije isanga izindi yakoze nka “Ihumure”, “Unyitaho” yakoranye n’abahanzi barimo (Bosco Nshuti, Butera Deborah, Diana Kamugisha, Dorcas Ashimwe, Bosco Masengesho na Juliet Tumusiime).


Kwizera Eric wasohoye indirimbo yise Umuremyi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO