Umuramyi Mutabazi Danny agiye kurushinga n’umukunzi we Berry

Umuramyi Danny Mutabazi umwe mu bakunzwe mu bahanzi baririmba indirimbo zo guhimbaza Imana mu idini ry’muri ADEPR agiye kurushinga n’umukunzi we .

Kuri iki cyumweru tariki ya 21 Werurwe 2021 uyu musore ufite umuhamagaro wo kuririmba indirimbo zo guhimbaza we n’umukunzi we berekanwe mu rusengero rwa ADEPR Kumukenke.

Nyuma y’uwo muhango Danny Mutabazi yatangaje ko urugendo rwo kurushinga ubu yarutangiye nyuma y’imyiteguro ikomeye bari bamazemo igihe cy’imyaka ibiri we n’umukunzi we .

Yakomeje agira ati “ Nahisemo Berry kuko umutima wanjye waramukunze unyurwa n’ubwiza bwe ndetse n’imico ye nk’umukobwa ukunda gusenga nabonye ariwe ukwiriye kumbera umufasha mu buzima bwanjye singaje kw’isi.

Mu cyumweru gishize nibwo Danny Mutabazi yambitse impeta umukunzi we amusaba ko yazamubera umugore undi nawe ntiyazuyaje yarabyemeye ubu bakaba bakomeje urugendo rwabo rw’urukundo.

Mahoro aririmba muri Korali yitwa Himbaza yo muri ADEPR Kacyiru ,mu gihe Danny Mutabazi we ari umuramyi ubivanga n’ivugabutumwa mu Itorero rya Pantekote mu Rwanda [ADEPR], Paruwasi ya Gasave.

Kugeza ubu Danny Mutabazi afite indirimbo zakunzwe cyane nka Calvary , “Ntiyasinziriye”, “Ntiwanyihakanye”, “Binkoze ku Mutima”, “Ufite uwo mwana”, “Amarira y’Ibyishimo”, “Saa Cyenda ndetse n’ikamba aherutse kushyira hanze vuba .

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO