Umuramyi Nshuti Ian yasohoye indirimbo yise ‘Ibise’

Umuhanzi ukora indirimbo zo kuramya no guhimbaza Imana Nshuti Ian yasohoye indirimbo nshya yise ‘Ibise’ aho aba aririmba avuga ku mu babaro wa Yesu Kristo watumye bihindura ikiremwamuntu.

Nshuti Ian wahoze akora umuziki wa Secular nyuma akaza kujya akora indirimbo zo kuramya no guhimbaza Imana iyi ni indirimbo ya gatandatu ashyize hanze.

Avuga ko iyi ndirimbo nshya ‘Ibise’ yayikoze mu buryo bwo gutuma abantu bayibazaho cyane bitewe n’izina yayise gusa ko harimo ubutumwa butandukanye.

Ubwa mbere yagize ati “Igaragaza umubabaro mwiza wagizwe na Kristo utari uwo gutera agahinda abantu. Impamvu y’uwo mu babaro niwo wavuyemo guhindura abantu bizera kuba abana b’Imana.”

Akomeza avuga ko ikindi aba ashaka kwerekana ni uko Imana ari nziza itabitewe n’imirimo yakoreye abantu ahubwo ari nziza kuko ariyo kamere yayo.

Nyuma y’iyi ndirimbo azakomeza gusohora indirimbo zitandukanye ku buryo mu mpera z’umwaka wa 2022 azamurika Album ye ya mbere.

https://youtu.be/nwCnZkdiAo4

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO