Umuraperi Bushali wari afungiwe kwa Kabuga yarekuwe

Umuhanzi w’umuraperi Hagenimana Jean Paul uzwi ku izina rya Bushali mu muziki wari amaze iminsi afungiwe mu kigo cyo kwa Kabuga azira ibiyobyabwenge yarekuwe.

Mu mpera za Ukwakira nibwo hasohotse inkuru zavugaga ko umuraperi Bushali ari mu kigo kinyurwamo by’igihe gito (Transit Center) cya Gikondo hazwi nko kwa Kabuga.

Nyuma yaho nabwo hasohotse amakuru avuga ko amazina y’uyu muraperi yashyizwe ku rutonde rw’abazajyanwa mu kigo ngororamuco cya I Wawa ariko bizakurangira atagiyeyo.

Bajya kumujyana kwa Kabuga yari yafatanywe n’abandi bantu bari gukoresha ibiyobyabwenge, gusa ngo bitewe nuko atabifatanywe imbonankubone, byatumye ajyanwa mu kigo ngororamuco aho kumujyana mu rukiko.

Kuri uyu munsi nibwo hatangajwe ko uyu muhanzi yarekuwe ngo kandi bizeye ko yamaze gusubira ku murongo ku buryo abasanzwe bamuzi bazabona impinduka kuri we.

Si ubwa mbere Bushali yari avuzwe mu gukoresha ibiyobyabwenge. Mu mpera za 2019 yatawe muri yombi ndetse ajyanwa mu nkiko akurikiranyweho kubikoresha. Gusa aza kurekurwa n’urukiko.


Muri 2019 Bushali nabwo yari yafunzwe azira ibiyobyabwenge

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO