Umuraperi Kanye West yavugishije benshi nyuma yo kuvugwa ko ari mu myiteguro yo gusura perezida w’Uburusiya

Mu minsi ishize nibwo humvikanye inkuru zivuga ku ruzinduko Kanye West ari kwitegurira kugirira mu Burusiya aho azaba agiye gusura perezida w’iki gihugu Vladimir Putin. Abashinzwe inyungu z’uyu muhanzi bagize icyo babivugaho.

Kanye West uherutse guhindura amazina ye aho asigaye yitwa "Ye", Ni umugabo wakunze kugarukwaho n’ibitangazamakuru bitandukanye.

Uyu mugabo bwa mbere yatangaje ko ashaka kuziyamaza mu matora y’umukuru w’igihugu cya Leta zunze ubumwe za Amerika yabaye mu 2020.

Uyu munsi icyavugishije abantu benshi ni uruzinduko uyu mugabo bivugwa ko ari guteganya kugirira mu Burusiya agiye gusura perezida w’iki gihugu.

Icyatumye biba ikibazo ni uburyo uyu mugabo Kanye West ari Umunyamerika akaba agiye gusura perezida w’Uburusiya, Igihugu gisanzwe kidacana uwaka na Leta zunze ubumwe za Amerika.

Bamwe babifata nk’ubugambanyi kuko ari urugendo bivugwa ko yari ari gutegura rwihishwa.

Abashinzwe inyungu z’uyu muraperi "Ye" batangaje ko iby’uru ruzinduko ari ibihuha ndetse ko byahimbwe.

Gusa kimwe mu bintu bemeza ni uko uru ruzinduko rwo kujya mu Burusiya rwa "Ye" ruhari gusa ngo azaba agiyeyo ku bw’impamvu z’akazi si impamvu za politike.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO