Umuraperi Kanye West ari mu munyenga w’urukundo rwa kabiri

Umuraperi Kanye West biranugwanugwa ko yaba ari mu munyenga w’urukundo na Julia Fox nyuma y’uko aba bombi bagaragaye basangira bishimye cyane muri imwe muri resitora bari basohokaniyemo.

Iyi nkuru dukesha TMZ, ivuga ko uyu muraperi hamwe na Julia wamenyekanye cyane muri filime Uncut Gems bagaragaye bishimiye gusangira hamwe muri resitora ya Carbone ku mugoroba wo ku wa gatandatu.

Kanye West w’imyaka 44, biravugwa ko yaba ari mu rukundo rushya nyuma yo gutandukana n’umunyamideli Vinetria bari bamaze amezi make bacuditse nyuma y’uko uyu muraperi ahawe gatanya n’umugore we w’isezerano Kim Kardashian muri Gahyantare 2021.

Amakuru avuga ko aba bombi baba bari mu rukundo, ntacyo abahagarariye inyungu z’abo barabitangazaho.

Julia na Kanye basangira muri resitora.

Kanye West aherutse guhindura izina rye aho asigaye yitwa Ye kuva mu kwezi kwa Ukwakira gushize ndetse ntabwo akibana mu nzu imwe n’umugore we Kim Kardashian.

Kim Kardashian yahaye gatanya Kanye West muri Gashyantare 2021, naho muri Mata, bombi bemera ko bazajya batanga umusanzu mu kurerera hamwe abana babo bane.

Hagati aho, Julia yavuze ko umugabo we Peter Artemiev, yamutanye umwana w’umuhungu w’amezi atanu nk’uko bigaragara ku mafoto yashyize ku rukuta rwe rwa Instagram.

Yaranditse ati " Gukomeza ndeba mu mafoto n’amashusho birushaho kunyongerera ihungabana,... Sinifuza ko umuhungu wanjye azabaho nabi yumva ko ise umubyara atamubaye hafi cyangwa ko yari yarabaswe n’inzoga agakunda iraha n’ibirori kumurusha".

Yakomeje avuga ko uyu mugabo yamutaye akamusigira uyu mwana w’amezi atanu hamwe n’imbwa yabo ariko agasiga atishyuye n’amadeni yose bafite.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO