Umuraperi Londre Sylvester yitabye Imana nyuma yo Kuraswa Inshuro 64

Umuraperi Londre Sylvester yitabye Imana nyuma yo kuraswa amasasu 64 mu mutwe ndetse no ku bindi bice by’umubiri mu mugi wa Chicago.

Ikinyamakuru Daily Mail kivuga ko Londre Sylvester w’imyaka 31 uzwi ku izina rya KTS Dre, yari umwe mu bantu batatu barasiwe hanze ya gereza ya Cook County mu gace gato k’umudugudu wa Chicago nyuma y’amasaha make asohotse muri iyo gereza.

Ubwo Sylvester yavaga muri gereza yambaye igikoresho cyo kumukurikirana aho ariho ku kaguru nibwo yarashwe amasasu menshi .

Ababibonye batangaje ko abantu babiri bitwaje imbunda basohotse mu modoka batangira kurasa Sylvester amasasu menshi mu maso ndetse n’ibindi bice by’umubiri. Aho yarashwe amasasu asaga 59 yamukomerekeje cyane .

Sylvester akimara kuraswa yahise ajyanwa mu bitaro bya Mount Sinai, aho byaje gutangazwa ko yapfuye mbere ya saa cyenda n’igice z’umugoroba.

Nkuko Daily mail ikomeza ibivuga abandi bantu babiri bari kumwe na Sylvester ni umugore w’imyaka 60 wakomeretse ku mavi naho undi w’imyaka 30 we yafashwe n’isasu rimwe nawe akaba ameze neza nkuko Polisi ibivuga.

Sylvester yari yarafunzwe azira kutubahiriza amabwiriza yo kutarega kubyo yari yarasabwe n’urukiko nyuma yo gufungwa azira icyaha cyo gutunga imbunda mu mwaka ushize wa 2020.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO