Umuriro ukomeje kwaka hagati y’umukire wa mbere ku Isi Elon Musk na Donald Trump

Magingo aya guterana amagambo hagati ya Donald Trump na Elon Musk bikomeje gufata indi ntera dore ko aba bombi buri umwe arimo kugenda ajora undi cyane cyane binyuze ku rubuga rwa Twitter.

Impaka za reka turwane nizo zikomeje kuranga abagabo babiri bakomeye muri Leta zunze ubumwe za Amerika barimo Donald Trump wahoze ayobora iki gihugu ndetse n’umukire wa mbere ku isi utunze agatubutse ariwe Elon Musk.

Mu ntambara y’amagambo aba bombi buri umwe arimo kugenda annyega undi aho umukire Elon Musk yatangaje ko Donald Trump ashaje kuburyo adakwiye kuzongera gushaka kwiyamamariza kuyobora Leta zunze ubumwe za Amerika.

Nyuma yo kumva amagambo ya Elon Musk Donald Trump nawe ntabwo yaripfanye ahubwo nawe yahise amusubiza ko mu gihe yayoboraga Leta zunze ubumwe za Amerika ngo iyo abishaka yari kumupfukamisha kandi akabikora.

Trump kandi yakomeje avuga ko kenshi uyu mugabo Elon Musk yakunze kumusanga muri White House amusaba ubufasha ku mishinga ye, cyane cyane imodoka zikoresha amashanyarazi zitashoboraga kugenda igihe kinini,imodoka zitakoreshaga umushoferi ariko zishobora gukora impanuka n’ibindi.

Trump kandi yavuze ko uyu mugabo iyo atabona ubufasha bwe nta gaciro uyu munsi yari kuba afite ndetse ngo ni kenshi yakunze kuvuga ko ari umufana we ukomeye ndetse icyo gihe ngo iyo amupfukamisha Elon Musk yari kubikora.

Elon Musk avuga ko Trump aramutse yiyamamaje yaba yarangiza manda ye afite imyaka 82 y’amavuko ndetse ngo iyi myaka ni myinshi cyane kuko ngo yaba ashaje rero ngo uyu mugabo akwiye kureka Leta zunze ubumwe za Amerika ahubwo akibagirwa burundu inzu y’ubutegetsi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO