Umurwa mukuru wa Ukraine wongeye kumvikanamo iturika ry’ibisasu

Mu rukerera rw’ijoro ryakeye Kyiv, Umurwa mukuru wa Ukraine wongeye kumvikanamo iturika ry’ibisasu nyuma y’ibindi bisaga 100 byaharashwe mu gitondo cyo ku wa kane.

Ahagana saa munani (02:00) z’urukerera nibwo Leta ya Ukraine yatanze intabaza iburira abaturage ko bagomba kwihisha ahabugenewe ibitero by’ibisasu.

Ubu butumwa bwanyujijwe ku itumanaho rya Telegram buvuga ko mu birometero 20 mu Majyepfo ya Kyiv humvikanye ibisasu.

Guverineri wa Kyiv, Oleksiy Kuleba yahise atangaza ko bishoboka cyane ko ibindi bitero by’indege z’intambara zitagira abaderevu aribyo biri bukurikireho, Ibi niko byagenze kuko nyuma y’amasaha make, hagabwe ibitero ku nzu n’ibindi bikorwa remezo gusa ntawahakomerekeye nk’uko tubikesha Reuters.

Kyiv hongeye kumvikana ibindi bitero mugihe ejo hashize nabwo bivugwa ko harashwe ibisasu bisaga 100.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO