Usain Bolt n’umugore we bibarutse abana b’impanga

Icyamamare mu mukino wo gusiganwa ku maguro cyaciye agahigo ko kwiruka metero ijana mu gihe gito kw’isi mu mikino olempike Usain Bolt we n’umugore we Kasi Bennet bari mu byishimo nyuma yo kwibaruka impanga.

Aya makuru y’uko uyu muryango umaze igihe waribarutse impanga ntiyigeze amenyekana mu itangazamakuru gusa kuri iki cyumweru ubwo isi yose yizihizaga umunsi w’ababyeyi b’abagabo (Father’s Day ) nibwo uyu mugabo yashyize ifoto ye n’umugore we ndetse n’abana babo batatu imfura yabo Olympia Lightning Bolt ,Saint Leo Bolt ,Thunder Bolt.

Nyuma yo gushyiraho iyo foto Umugore Kasi Bennet nawe yifashishije urwo rubuga yandika amagambo meza abwira umugabo we. Ati “ Umunsi mwiza w’abapapa ku mugabo ukomeye mu buzima bwacu ,Njyewe na Olympia Lightning Bolt ,Saint Leo Bolt ,Thunder Bolt turagukunda cyane."

Yakomeje agira ati “Uri urutare rw’uyu muryango wacu kandi uri umupapa ukomeye ku bana bacu batoya , uri isi yacu itagira aho irangirira."

Usain Bolt w’imyaka 34 akomoka mu gihugu cya Jamaica yamenyekanye cyane mu mukino wo kwiruka aho yaciye agahigo ko kuba yaregukanye umwanya wa mbere mu kwiruka metero 100 mu masegonda make.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO