Umusare akwiye kuba mu mazi n’abazi umupira bakawubamo!ese ni iki cyatumye ikipe ya Kiyovu Sports igarura umutoza ku kazi?

Kugeza ubu haravugwa amakuru atandukanye mu ikipe ya Kiyovu Sports aho hagaragaye imvugo zitandukanye hagati y’umuyobozi wa Kiyovu sports n’umwungiriza we nyuma yo gutsindwa n’ikipe ya Gasogi United mu mukno wa shampiyona wabaga mu mpera z’icyumweru gishize.

Ikipe ya Kiyovu Sports yatsinzwe na Gasogi United ibitego 3-1 maze umuyobozi w’iyi kipe Mvukiyehe Juvenal atangaza ko umutoza agomba gufatirwa ibihano kubera gutakaza uyu mukino icyakora nyuma y’umunsi umwe hagaragaye kwivuguruza kuri uyu muyobozi maze atangaza ko yafashe umwanzuro wo kugarura umutoza mu kazi ke.

Icyakora umuyobozi wungirije muri Kiyovu Sports yatangaje ko hari benshi bagiye gukizwa na Betting maze birangira imvugo n’imyitwarire y’abayobozi b’iyi kipe benshi batangira kuyikemanga.

Kuri ubu bamwe bibaza intego nyamukuru za Kiyovu sports dore ko ubuyobozi bw’iyi kipe buherutse gutangaza ko bifuza igikombe gusa hakibazwa uburyo ibi bishoboka mu gihe abayobozi b’iyi kipe batumva ibintu kimwe ngo babitware mu murongo umwe.

Hakunze kumvikana inkuru zijyanye no gutega ku mikino itandukanye ku bayobozi b’amakipe mu Rwanda icyakora kugeza ubu nta gihamya ihari nubwo bwose umuyobozi wungirije wa Kiyovu Sports yeruye akavuga ko habayeho gutega kugirango iyi kipe itakaze umukino gusa nta gihamya ihari.

Gusa nyuma y’aho bwana Juvenal Mvukiyehe umuyobozi wa Kiyovu Sports atangarije ko bagiye gufatira ibihano umutoza bwacya akamugarura mu kazi benshi bakurikirana ibijyanye n’umupira w’amaguru batangiye kwibaza byinshi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO