Umusifuzi mpuzamahanga Salima Mukansanga yashyizwe mu bazita amazina abana b’ingagi

Umusifuzi mpuzamahanga ariwe Salima Mukansanga ni umwe mu bari n’abategarugori bakomeje kuba icyogere mu mwuga w’ubusifuzi ndetse kuri ubu yamaze gushyirwa ku rutonde rw’abazita amazina abana b’ingagi.

Uyu muhango wo kwita amazina abana b’ingagi uteganyijwe kuwa 2 Nzeri 2022, ndetse urutonde rw’abazita aba bana b’ingagi 20 bavutse muri uyu mwaka rwatangiye gushyirwa hanze kuri iki Cyumweru kuwa 28 Kanama 2022.

Magingo aya biteganyijwe ko abandi bazagira uruhare mu kwita aba bana b’ingagi bazagenda batangazwa uko iminsi iza.

Mukansanga ni umwe mu basifuzi bakomoka mu Rwanda bamaze kwandika izina ku ruhando mpuzamahanga ndetse biteganyijwe kpo azitabira igikombe cy’Isi.

Mukansanga Salima mu mwaka wa 2018 yasifuye mu Gikombe cy’Isi cy’Abangavu batarengeje imyaka 17 cyabereye muri Uruguay. Harimo n’umukino wa ¼ wahuje u Budage na Canada.

Mu 2019, yasifuye Igikombe cy’Isi cy’Abagore cyabereye mu Bufaransa.

Mu mwaka ushize wa 2021, yakoze amateka yo kuba Umunyarwandakazi wa mbere wasifuye Imikino Olempike, ahereye ku mukino wahuje Ubwami bw’u Bwongereza na Chili i Tokyo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO