Umusifuzi w’Umufaransa Johan Hamel yatabarutse azize indwara y’umutima ku myaka 42 y’amavuko

Umusifuza w’Umufaransa witwa Johan Hamel yitabye Imana azize indwara y’umutima kuri uyu wa Kabiri ubwo yari mu myitozo akora ku giti cye ndetse yitabye Imana afite imyaka 42 y’amavuko.

Uyu musifuzi yaguye mu myitozo azize indwara y’umutima kuri uyu wa Kabiri taliki ya 16 Ugushyingo 2022 ndetse uyu mugabo yitabye Imana amaze gusifura imikino igera ku 136 muri Shampiyona y’igihugu y’Ubufaransa.

Hamel wari ufite imyaka 42 y’amavuko yari amaze gutoza imikino irenga 130 ndetse yagiye asifura n’imikino itandukanye harimo nk’uwo yasifuye wahuje ikipe ya Real Madrid na Celtic.

Umukino we wa nyuma bwana Hamel yasifuye wahuje ikipe ya Lille n’ikipe ya Rennes, kuwa 06 Ugushyingo 2022.

Uyu musifuzi yatangiye kuba ngenderwaho mu gusifura imikino mu Bufaransa mbere yo kumara hafi imyaka 10 agerageza kubaka ibigwi bye.

Uyu musifuzi kandi yanasifuye imikino mpuzamahanga y’ibihugu cyane cyane mu irushanwa rya UEFA Nations League aho yasifuriye ikipe zirimo Slovakia itsinda Belarus igitego 1-0 na Moldova itsinda Liechtensteinwin ibitego 2-0.


Umusifuza w’Umufaransa witwa Johan Hamel yitabye Imana azize indwara y’umutima.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO