Umusore wa mbere mu kurangaza igitsinagore yaciye agahigo ko gukurikirwa n’abantu benshi kuri Instagram

Kim Tae Hyung wamamaye ku kabyiniriro ka V ubu niwe ukomeje kuvugisha benshi amagambo nyuma yo guca agahigo gakomeye ko gukurikirwa n’imbaga nyamwinshi ku rubuga rwa Instagram aho yaje kuba yuzuza Miliyoni imwe y’’abamukurikirana mu gihe cyingana n’iminota 43.

Iki cyogere V ni umwe mu babarizwa mu itsinda ryitwa BTS rimaze kuba icyogere ku isi kuri ubu yibitseho agahigo gahambaye ko gukurikirwa n’abantu benshi kuri Instagram mu gihe gito cyane.

Nyuma yo kuba mu itsinda rya BTS ari kumwe na bagenzi be gusa byarangiye buri wese afunguye na Instagram ye maze bituma buri wese atangira gukurikirwa n’abantu akavagari, gusa V yakomeje guhiga bagenzi be dore ko abenshi bakomeje kwemeza ko ariwe musore urangaza igitsinagore kurusha abandi bose ku isi.

Nubwo uyu musore V ariwe ufite aka gahigo gusa n’ubundi itsinda rye rya BTS rikomeje guca utundi duhigo dutandukanye harimo nko kugira Videwo yarebwe cyane kurusha izindi zose mu gihe cy’amasaha 24 aho yarebwe inshuro zisaga miliyoni 108.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO