Umutoza Erik Ten Haag yabujijwe kugira umukinnyi azaha nimero 7 yambarwaga na Cristiano Ronaldo mu gihe cya vuba.

Nyuma y’aho Cristiano atandukaniye na Manchester United kuri ubu byategetswe ko nimero ye Karindwi yamabaraga ibikwa aho kugirango ihabwe undi mukinnyi vuba aha.

Cristiano Ronaldo w’imyaka 37 y’amavuko yagiranye ibibazo n’umutoza wa Manchester United maze impande zombi haba ubuyobozi bwa Manchester United na Cristiano Ronaldo ubwe bemeza ko batandukanye ku bwumvikane bw’impande zombi.

Iyi nimero 7 ni nimero yambawe n’abakinnyi bakomeye cyane mu mateka y’iyi kipe barimo George Best,Bryan Robson,Eric Cantona,David Beckham n’abandi bafite amateka akomeye ku buryo atari buri mukinnyi wese wayihabwa ngo ayambare.

Wes Brown wahoze akinana na Ronaldo muri Manchester United yasobanuye ko Ronaldo ubwo yahabwaga nimero 7 ngo yari ayikwiye kuko ngo yarekanaga ubuhanga bwe kandi akarushaho no gufasha kipe kugirango itere imbere.

Nyuma yo gutandukana na Manchester United ntabwo haratangazwa ikipe uyu mugabo ashobora kwerekezamo gusa haracyekwa ikipe yo muri Saudi Arabia yitwa Al Nassr aho bivugwa ko iyi kipe yifuza gusinyisha uyu mugabo amasezerano y’imyaka 2.5 maze akazahembwa akayabo ka Miliyoni 200 z’Ama Pound.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO