Umutoza Mikel Arteta yahawe igihembo cy’umutoza mwiza w’ukwezi kwa Gatatu muri shampiyona y’Ubwongereza
- by
- 1/04/2022 saa 17:01
Uyu mutoza abashije gutwara iki gihembo ubugira kabiri muri uyu mwaka w’imikino 2021/2022 ibi bije bikurikiye umwanya mwiza yahaye ikipe ya Arsenal itaherukaga.
Arteta yaherukaga iki gihembo mu kwezi kwa Nzeli ubwo yagitwaraga abashije gutsinda imikino 3 muri ine yari yakinnye muri uko kwezi.
Ikipe ya Arsenal yabashije gutangira ukwezi kwa Gatatu itsinze Watford ibitego 3-2, ndetse iza no kwisasira ikipe ya Leicester City aho yuzuzaga imikino 5 yikurikina atsinda kandi akinira hanze aho ibi byaherukaga mu myaka 7 ishize.
Ndetse uyu mutoza naramuka atsinze umukino wo kuwa mbere azakinamo na Cristal Palace azahita yuzuza imikino 6 atsinze yikurikiranya kandi akinira hanze.
Mikel Arteta w’imyaka 40 y’amavuko atwaye iki gihembo nyuma yo guhigika umutoza Jurgen Klopp, Antonio Conte hamwe na Brendan Rodgers.
