Kwihangana byanze Patrick Vierra akubita umugeri umufana wamwishimye hejuru

Umutoza wa Crystal Palace ,Patrick Vieira ubusanzwe akomoka mu gihugu cy’Ubufaransa ndetse yanabaye kapiteni w’ikipe ya Arsenal igihe kinini, gusa uyu mugabo yagiranye amakimbirane n’umufana wa Everton wamwishimye hejuru nyuma y’aho ikipe ye yari imaze gutsindwa na Everton itozwa n’umutoza Frank Rampard.

Amashusho ya televiziyo yamwerekanye ari gutukwa n’umufana wa Everton mu gihe abafana b’iyi kipe birukiraga mu kibuga nyuma y’umukino bishimira ko Everton igumye mu cyiciro cya mbere.

Uyu mutoza w’Umufaransa yananiwe kwihanganira uyu mufana wamushotoye akamwishima hejuru maze ahita amukubita umugeri abandi bafana bahita baza kubakiza.

Everton yari yatsinzwe ibitego 2-0 mu gice cya mbere,yakoze ibitangaza mu cya kabiri igaruka neza mu mikino ibifashijwemo n’abakinnyi 2 barimo Dele Alli na Demarai Gray binjiye basimbura itsinda Crystal Palace ibitego 3-2.

Abajijwe ibi byo gukubita umufana mu kiganiro n’abanyamakuru nyuma y’umukino, Vieira yagize ati: "Ntacyo mbivugaho."

Umutoza wa Everton, Frank Lampard, yagize ati: "Ndi kumva Patrick. Ntabwo namubonye umukino urangije. Nari kuvuga nti:" ngwino hamwe natwe "- nubwo ashobora kuba atabishakaga.

Cristal Palace yajugunye amahirwe yo gutsinda ibitego bibiri hakiri kare bitsinzwe na Jean-Philippe Mateta na Jordan Ayew mu gice cya mbere.

Ariko ikipe ya Frank Lampard yagarutse neza mu gice cya kabiri yinjiza ibitego 3 bya Michael Keane na Richarlison,hanyuma Calvert-Lewin atsinda igitego cy’ingenzi hasigaye iminota itanu ngo umukino urangira.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO