Umutoza wa Rayon Sport wungirije yasubiye iwabo muri Portugal

Nyuma y’umukino wa Shampiyona Rayon Sport yatsinzemo Rutsiro FC igitego 1-0, umutoza wa Rayon Sport wungirije Pedro Miguel yahise asubira iwabo muri Portugal kubera ibibazo by’umuryango we.

Nk’uko yabitangarije Flash TV ku munsi w’ejo nyuma y’umukino wa Rayon Sport, akaba yaravuze ko agiye guhita asubira muri Portugal kubera impamvu z’umuryango we, gusa akaba atazi niba azagaruka.

Yagize ati "Ndagiye kubera ibibazo mfite by’umuryango, ndashaka gusubira muri Portugal iri joro."

Abajijwe niba azagaruka, yagize ati" simbizi, bizaterwa no muri Portugal."

Tariki ya 2 Gashyantare 2022, nibwo Pedro Miguel yasinyiye Rayon Sport nk’umutoza wungirije mu gihe kingana n’amezi 6, aho yazanye n’umutoza mukuru Jorge Paixão nawe ukomoka muri Portugal.

Pedro Miguel uretse kuba ari umutoza wungirije muri Rayon Sport, afasha n’abakinnyi mu myitozo ibongerera imbaraga, dore ko nabyo abifitemo inararibonye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO