Umuyobozi wa Kiyovu Sports yerekeje mu gihugu cy’Ububiligi gushakira iyi kipe abaterankunga

Umuyobozi w’ikipe ya Kiyovu Sports bwana Juvenal Mvukiyehe ni umuyobozi ukomeje gufasha cyane iyi kipe aho kuva yayifata ubu isigaye ibasha kwigobotora ibibazo bijyanye n’amikoro dore ko iyi kipe yakunzwe kuvugwamo ikibazo cy’amikoro mu myaka itambutse.

Kuri ubu umuyobozi mukuru w’ikipe ya Kiyovu Sports bwana Mvukiyehe Juvenal yamaze kurira rutemikirere aho yerekeje mu gihugu cy’Ububiligi gushaka abaterankunga bashobora gukomeza gukorana n’iyi kipe muburyo bujyanye no kwamamaza.

Iyi mikorere ikaba igamije kurushaho kuzanzamura ikibazo cy’ubukene cyakunzwe kugarukwaho n’itangazamakuru mu minsi yashize aho iyi kipe mbere abakinnyi bataboneraga imishahara igihe ndetse kuri ubu birimo kujya muburyo.

Mvukiyehe Juvenal ayoboye kiyovu Sports kuri ubu ibarizwa ku mwanya wa mbere ku rutonde rwa shampiyona y’icyiciro cya mbere mu Rwanda aho ifite amanota 50.

Ikipe ya Kiyovu Sports iheruka igikombe cya Shampiyona mu mwaka wa 1989 kuva icyo gihe kugeza uyu munsi iyi kipe ntirongera kugikozaho imitwe y’intoki.

Gusa uru ruzinduko Juvenal Mvukiyehe arukoze nyuma yo kugira ibyago bikomeye agapfusha umubyeyi we umubyara mu cyumweru gitambutse.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO