Umwana wa Diamond na Zari yajyanywe mu bitaro

Prince Nillan w’imyaka itatu y’amavuko byavuzwe ko ku munsi w’ejo tariki 13 Gashyantare yagize umuriro mwinshi no kuribwa cyane, biza gutuma ajyanwa kuvuzwa ndetse ahita ashyirwa no mu bitaro.

Zari The Boss Lady abinyujije ku rubuga rwe rwa Snapchat, yashyizeho ifoto y’uyu muhungu we Nillan ari ku gitanda cyo mu bitaro asinziriye.

Zari mu magambo yuje ikiniga, yagize ati: “umugabo wanjye muto aryamye ku gitanda kubera uburwayi.”

Mu mezi abiri ashize Zari nawe yagize ibibazo byo kugira umuriro mwinshi, kuribwa umutwe ndetse no kubabara mu gituza byaje kuvamo kujyanwa mu bitaro.

Icyo gihe yagize ati: “Ndarwaye cyane, ariko amashitani aribeshya nzakira, ndwaye mu muhogo, mfite umuriro, umutwe ndetse no mu gituza harambabaza, ndanywa ibinini bitatu buri munsi, nkiza mana.”

Zari kuva yashyingura uwahoze ari umugabo we ‘Ivan Don Ssemwanga’ mu mwaka wa 2017, uyu mugore w’Umugandekazi usigaye wibera mu gihugu cya Afurika y’Epfo yakunze kurwana n’intambara z’amagambo zavugaga ko ashaka kwegukana imitungo y’umukire Ssemwanga banabyaranye.

Uyu mugore usigaye yemera ko afite agatubutse, yakunze gusubiza abijujutiraga ko ashaka kuzazungura uyu muherwe kandi ari imitungo y’abana, we atakagombye kugira icyo abazayo.

Zari wakunze kugaruka ku buzima bubi yabayemo, avuga ko yize ibijyanye no gukora amavuta mu Bwongereza (aho atigeze afashwa n’uwahoze ari umugabo we) ndetse akaza no no gukora akazi ko mu rugo kugira ngo akunde yishyure icumbi.

Zari yakoze akazi ko mu rugo mbere y’uko aba umuherwe tubona muri iki gihe

Uyu muherwekazi akomeza agaruka k’ubuzima bugoye yabayeho, aho Se yabataye agasigarana na Nyina wakoraga akazi ko kudoda amanywa n’ijoro, aho yemeza ko byari bigoye kubona uburyo yavunikaga.

Muri ubwo buzima bubi bwose yaciyemo, Zari yemeza ko nanone urufunguzo rwa byose ari ugushikama ugakora utinuba.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO