Umwe muri ba bakobwa bangije igitsina cya mugenzi wabo yabyariye muri Gereza

Abakobwa batandatu bashinjwaga kwangiza imyanya y’ibanga ya mugenzi wabo bikamuviramo ubumuga ndetse bakaza gukatirwa gufungwa imyaka 15, umwe muri bo ubu yabyariye muri Gereza.

Aba bakobwa bagarutsweho cyane mu itangazamakuru ubwo urubanza rwabo rwaberaga mu ruhame, baherutse kugabanyirizwa igihano n’Urukiko Rwisumbuye rwa Nyarugenge rwabakatiye gufungwa imyaka 15 mu gihe mu rubanza rwa mbere bari barakatiwe imyaka 25.

Bashinjwa kwangiza imyanya y’ibanga ya mugenzi wabo ubwo bamutumiraga aho bari bacumbitse ubundi bafatanya n’umwe mu basore bakamuhohotera bikamuviramo ubumuga.

Byavuzwe ko uriya mugambi wari wateguwe n’umwe muri bo amuziza kuba yaramutwariye umukunzi.

Umwe muri bariya bakobwa witwa Umulisa Gisèle ngo aherutse kubyara umwana w’umuhungu muri Gereza ya Nyarugenge izwi nka Mageragere nkuko tubikesha ikinyamakuru cya Imbaraganews.

Abakukiranye ibyo kubyara k’uriya mukobwa, bemeza ko ashobora kuba yarafunzwe atwite kuko babariye igihe yabyariye ashobora kuba yarafunzwe ukwezi kumwe asamye.

Aba bantu barindwi bahamijwe icyaha cy’ubwinjiracyaha bw’ubwicanyi; ni Nkamiro Zaina, Umulisa Gisèle, Kamanzi Cyiza Cardinal, Umuhoza Konny, Umuhoza Rosine, Umutoni Hadidja na Uwimana Zainabu baregwaga.

Uwitwa Umulisa Gisèle niwe wabyariye muri Gereza

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO