Umwihariko wa Service Excellence Awards igiye kuba ku nshuro ya gatandatu

Ibihembo bya Service Excellence Awards bihemba ibigo byatanze serivisi nziza ku babigana bigiye kongera kuba ku nshuro ya gatandatu aho uyu mwaka hajemo impinduka ahanini zatewe n’icyorezo cya Covid-19 aho hazanahembwa rwiyemeza mirimo ukiri muto.

Mugisha Emmanuel utegura iki gikorwa avuga ko kuva batangira gushimira ibyo bigo bitandukanye hari impinduka zagiye zibaho.

Ati “ Icyo tumaze kugeraho uyu munsi ni uko hari ibigo byagiye birushaho kunoza imitangire ya serivisi … Mbese byabaye nk’umuco.”

Muri uyu mwaka biraba biba ku nshuro ya gatandatu (6) gusa umwihariko ni uko noneho bazanahemba rwiyemeza mirimo muto haba umusore cyangwa umugore.

Uyu mwaka hatangajwe ibyiciro 65 byabagomba guhatana ari nabwo abiyandikisha bagomba gutangira kubikora bitewe naho babarizwa mu gutanga izo serivisi. Biteganyijwe ko bizamara ukwezi.

Ibi bihembo byatangiye gutangwa mu mwaka wa 2015 bitangijwe n’ikigo cya Kalisimbi Event kiyoborwa na Mugisha Emmanuel mu rwego rwo kujya bashimira ibigo byaba ibya leta ndetse n’abikorera ku giti cyabo baba batanze serivize z’indashyikirwa ku bakiriya.

Amatora azatangira tariki ya 1 kugeza kuya 5 Nzeri 2021 bikabera kuri interineti, azaba afite amajwi 60 kw”ijana naho andi 40% akazatangwa nˈakanama gatoranywa na Kalisimbi Event.

Uyu mwaka ibi bihembo bizatangwa bubahiriza amabwiriza yo kwirinda Covid-19 , bitewe nˈingamba leta izaba yashyizeho mu kwirinda icyorezo nkuko byagenze mu mwaka ushize wa 2020.

Biteganyijwe ko ibirori byo gutanga ibihembo bya Service Excellence Awards 2021 bizatangwa ku tariki ya 8 Ukwakira 2021.

Ushaka kwiyandikisha wanyura hano ... https://karisimbievents.rw/Events/nomination/


Mugisha utegura iki gikorwa avuga ko byatumye hari ibigo byikosora mu gutanga serivisi nziza


Ibyiciro byatoranyijwe uyu mwaka

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO