Umwiza Phionah yagizwe Miss University East Africa 2022

Umwiza Phionah uheruka kuba igisonga cya kane muri Miss University Africa yaberaga muri Nigeria yahawe irindi kamba aho yagizwe Miss University wa East Africa 2022.

Amakuru yo guhabwa iryo kamba kwa Umwiza Phionah byatangajwe na SupraFamily Rwanda isanzwe itegura irushanwa rya Miss Supranational Rwanda yanahawe inshingano zo gutanga umukobwa muri Miss University Africa.

Bagize bati “Twashakaga kubikorera i Abuja ubwo irushanwa ryari riri kuba ariko kubera igihe ntibyadukundira ndetse n’abari bahagarariye ibihugu byabo bari bananiwe, ntabwo byari gukunda ko dutanga iri tangazo. Komite itegura Miss University Africa yafashe umwanzuro wo guha abakobwa amakamba bitewe n’uduce twa Afurika baherereyemo.’’

Abandi bakobwa bahawe ikamba ni Umunya- Cameroon Mouketey L Monalisa Jelly, yahawe ikamba rya Miss University Africa muri Afurika yo Hagati ndetse na Bhookun Jemima wo mu Birwa bya Maurice ahabwa ikamba rya Miss University Africa uhagarariye abandi bitabiriye iri rushanwa baturutse mu Birwa.

Uwitwa Nadia Abdou Saleye wa Niger ahabwa ikamba rya Miss University Africa muri Afurika y’Uburengerazuba, Umunya- Botswana Africa- Lone Kobe ahabwa ikamba rya Miss University Africa muri Afurika y’Amajyepfo naho Nora Mohemmed Hussein wo mu Misiri ahabwa ikamba rya Miss University Africa muri Afurika y’Amajyaruguru.

Umwiza Phiona wari uhagarariye u Rwanda yabaye igisonga cya kane muri Afurika yose mugihe Bint Daqane wo muri Somalia ari we wabaye Miss University Africa 2022, Umunya-Angola yabaye igisonga cya mbere, uwo muri Sudani y’Epfo aba icya kabiri, Umunya-Cameroun aba igisonga cya gatatu.


Umwiza Phionah yahawe ikamba rya Miss University muri Afurika y’Iburasirazuba


Umwiza yabaye n’igisonga cya mbere muri Miss Rwanda 2020

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO