Undi mu Nyarwanda utuye USA yinjiye mu muziki

Umuhanzi witwa Mugiraneza Faustin utuye muri Leta Zunze Ubumwe z’Amerika yinjiye mu muziki asohora indirimbo ya mbere y’urukundo yise ‘Forever’.

Muri Leta Zunze Ubumwe z’Amerika, Canada n’Ububiligi ni bimwe mu bihugu bifite Abanyarwanda benshi bakora umuziki.

Muri abo ubu hiyongereyeho n’undi witwa Mugiraneza Faustin uzajya akoresha izina rya Faustin mu muziki.

Ni umusore w’imyaka 22 yahoze atuye Las Vegas muri leta ya Nevada ariko ubu ngo asigaye atuye ahitwa Kentucky.

Ni umwana wa gatatu mu bana batandatu bavukana yavuye mu Rwanda ajya muri Amerika kuhakomereza amasomo y’ikiciro cya Kaminuza.

Uyu musore winjiye mu muziki avuga ko kuririmba yabitangiye akiri muto aririmba mu rusengero.

Ati “Nakuze nkunda kuririmba cyane, kuko na benshi bo mu muryango wanjye bansabaga ko nabikora bitewe n’uburyo babonaga nkunda umuziki.”

Avuga ko muri uyu mwaka aribwo yahisemo gusohora igihangano cye cya mbere, ahera ku ndirimbo y’urukundo yitwa Forever.

Ati “Nibwo nkitangira umuziki ariko mfite ibikorwa byinshi kuko nje nabyiyemeje kandi ndizeza abantu ko nzakora umuziki mwiza n’imbaraga nyinshi.”

Iyi ndirimbo ye nshya yayisohoye mu buryo bw’amajwi gusa ariko n’amashusho avuga ko ari kuyatunganya azajya hanze mu minsi iri imbere.

Arasaba Abanyarwanda kumushyigikira muri uru rugendo rushya ngo kuko aribo nawe azajya akorera.

Arasaba Abanyarwanda kumushyigikira mu rugendo rushya

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO