Urukundo bafitiye Africa: Bimwe mu bikorwa byabakorana na Sadio Mane byatangiye kugera mu Rwanda

Kubera urukundo bamwe mu byamamare bikomoka muri Afurika baba bafitiye uwo mugabane bagenda bahashyira ibikorwa byo kuwuteza imbere cyangwa se bagashaka abo bafatanya mu kubatera inkunga bakoresheje izina ryabo.

Aha twavuga nko ku muhanzi Akon ukomoka muri Senegal watangije umushinga w’amashanyarazi mu bihugu bisaga 14 byo muri Afurika harimo n’u Rwanda. Avuga ko uzacanira abarenga Miliyoni 600.

Tuvuye kuri uwo muhanzi reka tujye no kuri Sadio Mane umukinnyi w’ikipe ya Liverpool yo mu Bwongereza nawe akaba akomoka muri Senegal.

Uretse imfashanyo aha abakene bo muri Afurika no kubaka ibitaro byaho akomoka mu cyaro. Uyu mukinnyi yakoranye na Kompanyi ya Oryx Energies aho banafunguye ishami mu Rwanda rya Sitasiyo izajya icuruza ibikomoka kuri Peteroli riherereye I Gikondo ahanzwi nka Ka Nzayire.

Ni igikorwa cyabaye ku munsi wo kuwa 15 Ugushyingo 2021. Cyayobowe n’umuhanzi akaba n’umushyushya rugamba Uncle Austin.

Mu bandi bari bahari harimo abakuriye iyo Kompanyi ya Oryx Energies, harimo umuyobozi wayo mukuru Patrick K. Ngugi. Undi mushyitsi mukuru wari witabiriye iki gikorwa ni Rusatira Desire, umuyobozi w’ishami rifasha abashora imari mu Rwanda muri RDB.

Iyi sosiyete ya Oryx Energies yahisemo Sadio Mane nk’ikimenyetso cyerekana ubukangurambaga bushya ‘Powered by Africa.’ Ubufatanye bwabo kandi bwemeza indangagaciro n’icyerekezo cyo guteza imbere umugabane wa Afurika.


Sadio Mane ni umwe mu byamamare bihora byifuza ko umugabane wa Afurika utera imbere bitewe n’ubuzima bubi yakuriyemo.


Uncle Austin niwe wayoboye ibyo birori


Bakanguriye n’abandi bashoramari kuza mu Rwanda kuko ari ahantu heza

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO