Urukundo ni imbaraga – Christopher nyuma yo gutungurwa n’umukunzi we

Umuhanzi Muneza Christopher ku munsi we w’amavuko yaciye amarenga y’uko ari mu rukundo nubwo atigeze yerekana isura y’uwo mukobwa wamutunguye bagakatana umutsima.

Christopher ni umwe mu bahanzi Nyarwanda bazwiho kugira ibanga ubuzima bwe. Mu itangazamakuru yumvikana avuga ku ndirimbo ze cyangwa ibitaramo runaka. Biragoye kumva uyu muhanzi yavuze ku nkuru z’urukundo.

Uyu muhanzi wavutse mu 1994 buri mwaka taliki ya 31 Mutarama yizihiza isabukuru y’amavuko.

Nubwo hariho gahunda ya guma mu rugo mu mujyi wa Kigali uyu muhanzi byaje kuba akarusho muri uyu mwaka atungurwa n’umukobwa bakundana.

Mu mafoto hamwe n’amashusho yashyize ku rubuga rwa Instagram yagaragaje ko ari mu rukundo. Ibintu bidasanzwe kuri yu muhanzi.

Yerekanye ifoto y’umutsima ari gukatana n’umukobwa ‘Aterekanye isura ye.’ Ati “Imbaraga z’urukundo. Mbega gutungurwa!.”

Kuri uwo mutsima hari handitseho ijambo rivuga ngo ‘Ugire isabukuru nziza y’amavuko mukunzi.’

Abakurukirana Christopher bagiye batungurwa n’ibi bintu bavuga ko nawe abatunguye nk’uko uwo mukunzi we yamutunguye.

Abandi bo bamwingingaga bamusaba ko yaza no kubereka uwo mukunzi we kugirango bamumenye.

Umukunzi wa Christopher yamuhaye umutsima wanditseho ko ari urukundo rwe

Yerekanye intoki z’umukunzi we gusa

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO