Urukundo ni impumyi umukecuru w’imyaka 85 agiye kurongorwa n’umuhungu w’imyaka 25

Umusore wo mu gihugu cya Kenya kuri ubu akomeje kuvugisha amagambo abantu benshi nyuma yo kuvuga ko agiye kurongora umukecuru w’imyaka 85 y’amavuko.

Uyu musore witwa Muima avuga ko yahuye n’umukecuru Thereza bwa mbere ubwo yavaga mu gihugu cye cy’amavuko cya Repubulika Iharanira Demokarasi ya Congo akajya kwiga mu gihugu cya Kenya.

Ubwo uyu musore yashyikaga muri Kenya ngo ubuzima bwaramugoye bituma uyu mukecuru Thereza akodeshereza inzu uyu musore hamwe na bagenzi be b’abanyeshuri kugirango babashe kwiga neza ubuzima butabagoye.

Muima na Thereza babaye inshuti kuburyo bukomeye maze batangira kugenda batera urwenya aho umwe yitaga mugenzi we umugabo we cyangwa umugore we, gusa uyu musore ibi yakundaga kubifata nk’imikino gusa uko ibihe byagiye bisimburana bombi barushijeho kugenda bakundana.

Muima akomeza avuga ko uburyo uyu mukecuru yitwaye ngo byatumye arushaho kumukunda nubwo ashaje ndetse nubwo bwose angana na nyirakuru ariko ngo byarangiye amukunze.

Umunsi umwe uyu musore mugenzi we yari yagiye maze asigara mu nzu wenyine adafite icyo kurya bituma uyu mukecuru Thereza amuzanira ibyo kurya ndetse rwose amwitaho bikomeye bituma uyu mukecuru asaba uyu musore ko basomana maze ngo barabikora.

Ubucuti bwabo bwarushijeho gukomera ndetse bakomeza kurushaho gufatanya none byarangiye uyu musore afashe umwanzuro wo kuzibanira n’uyu mukecuru avuga ko angana na nyirakuru.

Uyu mukecuru Thereza afite abana umunani ndetse afite n’abuzukuru barenga 20 ndetse avuga ko uyu musore bateganya kurushinga yaba angana n’umwuzukuru we wa gatanu.

Uyu musore akomeza avuga ko yamaze gufata umwanzuro ndetse akaba nta kintu na kimwe cyamubuza kuko ngo yabitekerejeho yumva ko akwiye kubana nuyu mukecuru yabera umwuzukuru.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO